Раççей Федерацийĕн Президенчĕ çумĕнчи Координаци Канашĕн секретарĕ, «Благовест» халăх пулăшăвĕн центрĕн президенчĕ Э.Драгункина хăйне евĕрлĕ çул çÿрев йĕркеленĕ. Чÿк уйăхĕн 23-мĕшĕпе раштав уйăхĕн 8-мĕшĕччен усрав çемьесенчи ачасем сывлăхĕсене Словени Республикинчи Терме Чатеж курортĕнче çирĕплетеççĕ. Асăннă ушкăна Чăваш Республикинчи 12 çемье лекнĕ. Вĕсен йышĕнче — пирĕн районти Кĕçĕн Каçал ялĕнче пурăнакан Козинсен çемйи. Оксанăпа Андрей Козинсем виçĕ ачана усрава илнĕ. Вĕсене тивĕçлĕ воспитани параççĕ, тĕрлĕ мероприятисене те хастар хутшăнаççĕ.

Т.ГАЛЗАНОВА.