Декабрĕн 12-мĕшĕнче «Асаново» ЯХПКан сĕт-çу фермине районти ял хуçалăх предприятийĕсенчи выльăх-чĕрлĕх специалисчĕсем ĕçтешĕсен опычĕпе паллашма пуçтарăннă. Сăмах май, Асанкассисем сĕт сăвассипе районта çеç мар, республикăра та чи ăнăçлă ĕçлекенсем шутĕнче. Вĕсем кăçалхи 11 уйăхра кашни ĕнерен 6138 килограмм сĕт сунă. Вăрттăнлăхĕ тĕрĕс апат çитернинче кăна мар, выльăх пăхакансемпе специалистсен тÿпи те пысăк.