ЧР Транспорт министерстви проект хатĕрленĕ. Унпа килĕшÿллĕн студентсемпе шкул ачисем хула çум пуйăсĕсемпе йÿнĕрех хакпа çÿреме пултарĕç.

Ку проект кăрлачăн 1-мĕшĕнчен пуçласа çĕртмен 15-мĕшĕччен тата авăнăн 1-мĕшĕнчен тытăнса раштавăн 31-мĕшĕччен пурнăçланĕ. Студентсемпе шкул ачисем билет хакĕн çуррине çеç тÿлĕç, анчах республикăра çула тухсан çеç. Билет туяннă чухне студент е шкул ачи ăçта пурăнни, вăл вĕренекен организаци ăçта вырнаçни пĕлтерĕшлĕ мар.