Суйлав саккунĕсем тăрăх, ял поселенийĕн пуçлăхĕ иртерех хăйĕн полномочийĕсене пăрахсан, вăхăт çитиччен суйлав кунне ирттереççĕ. Шăпах çак сăлтавпа 2014 çулхи январĕн 20-мĕшĕнче Комсомольски территориллĕ суйлав комиссийĕ Шурут ял поселени пуçлăхĕн суйлавне палăртнă.

Вырăнти хăй тытăмлăх органĕсен пĕрлехи сасăлав кунне 2014 çулхи апрелĕн 13-мĕшне палăртнă. Шурут ял поселенийĕн пуçлăхĕ пулма кандидатсем тăратасси тата вĕсене регистрацилесси мартăн 3-мĕшĕччен пырĕ.

Ял поселенийĕн пуçлăхĕ пулма кандидатсен мĕнле документсем тăратмаллипе Комсомольски район администрацийĕн сайчĕ çинче http: //www.cap.ru/SiteMap.aspx.gov–id=66&id.1699351 адреспа тупса паллашма пулать.

Комсомольски территориллĕ суйлав комиссийĕн 2014 çулхи январĕн 24-мĕшĕнчи 79/247-3 номерлĕ йышăнăвĕпе килĕшÿллĕн, асăннă суйлава хатĕрленнĕ тата ирттернĕ вăхăтра ТСК çакăн пек режимпа ĕçлĕ:

ĕç кунĕсенче — 10 сехетрен пуçласа 14 сехетчен, апат вăхăчĕ — 12-рен 13 сехетчен;

кану кунĕсем — шăмат кун, вырсарни кун.

Комсомольски ТСК председателĕн йышăнăвĕпе хăш-пĕр суйлав ĕç-хĕлĕ вăхăтĕнче комисси урăх йĕркепе те ĕçлеме пултарать.

Хушма информаци илме Комсомольски территориллĕ суйлав комиссине çак адреспа пымалла: Комсомольски ялĕ, Завод урамĕ, 57-мĕш çурт, 47 каб. Ыйтса пĕлмелли телефонсем: 5-13-35, 5-12-91.

Н.РОЗОВА.