Иртнĕ кунсенче Анат Тимĕрчкасси тĕп шкулĕнче Çурçĕр-Кавказ регионĕнче служба тивĕçĕсене пурнăçланă чух террористсен аллинчен 2013 çулхи сентябрĕн 16-мĕшĕнче вилнĕ полицин аслă сержанчĕн, кинолог полицейскин Александр Егоровăн ятне ĕмĕрлĕх асра хăварас тĕллевпе асăну мероприятийĕ иртнĕ. Сашăн тăван шкулĕнче Асăну хăми уçнă. Дружинăна Александр Егоров ятне панă. Торжествăлла линейкăра службăра пĕрле пулнă юлташĕсем, пĕр класра вĕреннисем, пĕрремĕш учителĕ М.Г.Григорьева, класс руководителĕ Н.В.Филиппова, Сашăн амăшĕ Нина Николаевна Егорова, Владимирпа Николай пиччĕшĕсем, Тукай ял поселенийĕн пуçлăхĕ О.П.Андреева, Раççей Шалти ĕçсен министерствин Шупашкар хулинчи управленийĕн пай начальникĕ, шалти ĕçсен полковникĕ С.В.Деменчук тата ыттисем те пулнă. А.Егоров ячĕпе футбол турнирĕ иртнĕ. Вăйăра Шупашкарсем çĕнтернĕ, кубока тивĕçнĕ. Кубока Анат Тимĕрчкасси шкулĕнчех хăварма йышăннă. Малашне кашни çулах сентябрĕн 16-мĕшĕнче шкулта футбол турнирĕ ирттерме калаçса килĕшнĕ. Тукай ял тăрăхĕн сайтĕнчен.

А.ЕФРЕМОВА.