Раççей Федерацийĕн Президенчĕн Владимир Путинăн 2012 çулхи майăн 7-мĕшĕнчи 606 номерлĕ указĕпе районта ача 3 çул тултаричченхи отпускри амăшĕсене професси пĕлĕвĕ илме пулăшас енĕпе мерăсем пурнăçланаççĕ.

Çулталăк пуçламăшĕнчен районти халăха ĕçпе тивĕçтерекен центра хăйсене килĕшекен ĕç шыраса çул çитмен ачасем пур 38 хĕрарăм, вĕсенчен 11-шĕ - 3 çул тултарман ача пуррисем (28,9 процент) пынă. 29 хĕрарăма, вĕсенчен ачи 3 çул тултарман икĕ ача амăшне (5,3 процент) ĕçпе тивĕçтернĕ.

Виçĕ çула çитмен ача пур 6 хĕрарăм професси пĕлĕвĕ илнĕ, квалификацие ỹстернĕ. Обществăлла тата вăхăтлăх ĕçе вырнаçнă 12 хĕрарăма ĕçшĕн тỹленĕ.

Çулталăк пуçламăшĕнчен ĕç вакансисен 3 ярмăрккине ирттернĕ, унта çул çитмен ача пур 28 хĕрарăм хутшăннă. Вĕсем хушшинче ача виçĕ çул тултарман 2 хĕрарăм пулнă.