Раççей Федерацийĕн Ял хуçалăх министерствин Ỹсен-тăрансене хỹтĕлес тата химилизацилес енĕпе ĕçлекен департаменчĕн директорĕ Петр Александрович Чекмарев майăн 8-мĕшĕнче пирĕн районта пулнă.

ЧР ял хуçалăх министрĕ Сергей Павлов, район администрацийĕн пуçлăхĕ Михаил Афанасьев тата Петр Чекмарев "Комсомольские овощи" ООО-на çитсе курнă, унти ĕç-хĕлпе паллашнă. Вĕсем кĕрхи тата çурхи культурăсем çитĕнекен, çĕр улми лартакан уй-хирсенче культурăсене çитĕнтернĕ чухне çĕнĕ йышши технологисемпе усă курнипе паллашнă.

"Комсомольские овощи" тулли мар яваплă оганизаци ĕçĕпе паллашнă май Петр Чекмарев вĕсене Раççей вăрлăхĕсемпе, уйрăмах ку тăрăхра лайăх тухăçпа савăнтараканнисемпе усă курма сĕннĕ.