Çанталăк шăрăх тăнăран Чăваш Енре пушар тухас хăрушлăх пысăк. Çакна чи малтанах сывлăш температури кăнтăрла 30 градусран та ытларах пулнипе çирĕплетеççĕ. Раççей МЧСĕн Чăваш Республикинчи тĕп управленийĕнчен пĕлтернĕ тăрăх - вăрман пушарĕсем уйрăмах 12 района сиен кỹме пултараççĕ: Улатăр, Патăрьел, Вăрнар, Йĕпреç, Канаш, Комсомольски, Хĕрлĕ Чутай, Пăрачкав, Шăмăршă, Çĕмĕрле, Елчĕк тата Тăвай районĕсене.

Çавна май республикăра майăн 14-мĕшĕнчен вăрмана ирĕккĕн кĕрсе çỹреме чарнă. Вăрмансенче пушар тухассинчен вăхăтра сыхланас тĕлĕшпе районта майăн 22-мĕшĕнче "Вăрманти пушар" вĕренỹ йĕркеленĕ. Унта районти 31-мĕш пушар хуралĕн, васкавлă пулăшăвăн, "Чувашрегионгаз" АУО, вăрман хуралĕн, шалти ĕçсен пайĕн ĕçченĕсем хутшăннă. Кашниех хăйĕн тивĕçне пурнăçланă, чрезвычайлă лару-тăруран çаврăнса тухмалли майсене сỹтсе явнă. Чăваш Енре вăрман пушарĕн службин ĕçченĕсем МЧС тытăмĕнче вăй хуракансемпе пĕрле талăкĕпех дежурствăра тăраççĕ, пушар лару-тăрăвĕн монито-рингне ирттереççĕ, канакансем валли ăнлантару калаçăвĕсем йĕркелеççĕ. 48 вăрманлăхра ку енĕпе 80 специалист тăрăшать, 28 техникăпа тата пушар 26 вышкипе усă курать.