Майăн 24-мĕшĕ - славян çырулăхĕпе культурин кунĕ, ăна Раççейре 1986 çултанпа паллă тăваççĕ. Шăпах çак кун Кирилпа Мефодий çветтуйсене аса илеççĕ, сума сăваççĕ.

Славян çырулăхĕпе культурин кунĕнче Александровка ял тăрăхĕн библиотекинче "Жития святых" тĕн сехечĕ иртнĕ. М.Алексеева вĕрентекен, ИКЦ директорĕ Е.Александрова ачасене Кирилпа Мефодий çветтуйсен пурнăçĕпе, ĕçĕ-хĕлĕпе туллин паллаштарнă. Л.Мукшина библиотекарь ĕлĕкхи вырăс кĕнекисен историйĕ пирки каласа панă. Тĕн кĕнекисенчен хатĕрленĕ выставкăпа та ачасем интересленнĕ. Çавăн пекех вĕренекенсене чиркỹре хăйсене мĕнле тытмалли çинчен, кĕлĕсем пирки каласа панă.