Июнĕн 9-мĕшĕнче районти право хуралĕн органĕсен ертỹçисен координаци канашлăвĕ иртнĕ. Унта хутшăннисем - район прокурорĕн пулăшаканĕ С.В. Валерьянов, шалти ĕçсен пайĕн начальникĕн ĕçĕсене пурнăçлаканĕ А.Г. Ефремов, районсем хушшинчи Патăрьелĕнчи следстви пайĕн ертỹçин çумĕ Р.Р. Селимзянов тата район администрацийĕн специалисчĕсем - терроризма тата экстремизма хирĕçлес ыйтусене пăхса тухнă, кирлĕ йышăнусем тунă. Çавăн пекех пухăннисем районти шалти ĕçсен пайĕн, миграци службин, вырăнти хăй тытăмлăх органĕсен ĕçĕ-хĕлĕпе, терроризмпа экстремизма хирĕçлес енĕпе мĕнле ĕçсем пурнăçланипе паллашнă. Çак ыйту паян питĕ çивĕч. Çавăнпа та кирлĕ йышăнусем туни çав тери пĕлтерĕшлĕ. Тăтăшах тĕрĕслевсем йĕркелени те пысăк витĕм кỹмелле.