Хуçалăхсем нумай çул ỹсекен курăксене çулаççĕ. Типĕтсе утă хатĕрлеççĕ е сенажа хываççĕ. Выльăх-чĕрлĕх апатне вăхăтра хатĕрлесен, вĕсем хĕлле тутă пулĕç. Июнĕн 20-мĕшĕ тĕлне "Урожай" колхозра 310 гектар курăк çулнă, 85 тонна утă тата 1620 тонна сенаж хатĕрленĕ. "Слава" хуçалăх 158 гектар нумай çул ỹсекен курăка çулнă, 171 тонна утă пуçтарнă. "Сюрбеево" ОООн 100 тонна утă хатĕр.

"Заря" ЯХПК-ра утçи вăй илсех пырать, вĕсем 100 гектар курăка çулнă, 300 тонна утă янтăланă. "Рассвет" ЯХПК та выльăх-чĕрлĕх валли 140 тонна утă хатĕрленĕ. Атласкинăн фермер хуçалăхĕнче 100 гектар курăк çулнă, 550 тонна утă пуçтарса кĕртнĕ. "Победăра" 140 гектар нумай çул ỹсекен курăка çулнă пулсассăн, 200 тонна утта пуçтарнă. М.Хайртдинов фермер хуçалăхĕнче çак ĕçе 109 гектар çинче пурнăçланă, 150 тонна утă хатĕрленĕ, сутлăха янă. Н.Ивановăн фермер хуçалăхĕнче те ĕç аван пурнăçланать, хĕлле валли 150 тонна утă пухса кĕртнĕ. Районĕпе илес пулсассăн хуçалăхсем 2972 гектар нумай çул ỹсекен курăксене çулнă, 1288 тонна утă тата 4590 тонна сенаж янтăланă.