Майăн 30-мĕшĕнче Кỹкеç поселокĕнче медицина ĕçченĕсен спартакиади иртрĕ. Ăна Медицина ĕçченĕсен кунне халалларĕç. Асăннă ăмăртăва Комсомольски районĕн тĕп больницин команди те çулсеренех хутшăнать, çĕнтерỹпе таврăнать. Кăçалхи ăмăртура ĕçченсем тĕрлĕ дистанцисене чупса, турник çинче туртăнса, мечĕк ывăтса, канат туртса, дартс персе тупăшрĕç. А.Самаркин, çулĕсене пăхмасăрах, 1 километра чупса финиша 2-мĕш çитрĕ. Л.Симендеева тухтăрпа иккĕшĕ ишессипе те маттур пулчĕç.

Ытти вăйăсенче Г.Гаврилова, Л.Владимирова, И.Зайцева, Н.Семенова Дмитрий ывăлĕпе, С.Гаврилов, Н.Волков, А.Казаков, В.Кокшин хастарлăхпа палăрчĕç.