Районти ял хуçалăх предприятийĕсем кăçал 16070 гектар çинче пĕрчĕллĕ тата пăрçа йышши культурăсем çитĕнтернĕ. Çав шутран 4400 гектарĕ - кĕрхи тырăсем, тĕпрен илсен, вĕсене çапса кĕртнĕ ĕнтĕ. Тырă пуссисенче тĕш тырă çапакан 74 комбайн ĕçлет.

Августăн 8-мĕшĕ тĕлне пурĕ 5016 гектар çинчи культурăсене çулнă (31 процент), 4931 гектарне çапса тĕшĕлесе 9685 тонна тыр-пула пỹлмене кĕртнĕ. Хальлĕхе гектарăн вăтам тухăçĕ 19,6 центнерпа танлашать. "Рассвет" (31,2 ц), "Урожай" (30,8 ц), "Сюрбеево" (22,3 ц), "Слава картофелю" (21 ц), "Асаново" (20,7 ц), "Дружба" (20,5 ц) хуçалăхсенче вăтам тухăç ыттисенчен пысăкрах, вĕсенче тыр-пултан пушаннă лаптăксем те нумайрах. "Слава картофелю" агрофирмăра 11 гектар çинчи çĕр улмине кăларнă, унăн вăтам тухăçĕ - 197,3 центнер.

Кĕрхи культурăсене акма 4000 гектар çĕр хатĕрленĕ, 1776 гектар çинче çĕртме тунă. Выльăх-чĕрлĕх валли апат хатĕрлес ĕç те чарăнмасть. Августăн 8-мĕшĕ тĕлне 6405 тонна утă, 24368 тонна сенаж, 109 тонна силос янтăланă.