Çурла уйăхĕн 18-мĕшĕнче пирĕн районта Статистика кунĕ иртрĕ. Асăннă мероприятие йĕркелемелли планпа килĕшỹллĕн, район администрацийĕн ларусен залĕнче канашлу йĕркеленĕ. Вĕсенче Чăвашстатăн ĕçĕ-хĕлĕ, учет уйрăмлăхĕсем, статистикăн официаллă информацине йĕркелесси çинчен Чăвашстат ертỹçин çумĕ Любовь Петрова, ял хуçалăх статистикин, строительство, инвестицисен, коммуналлă хуçалăх, сывлăх сыхлавĕн,çынсен пурнăç шайне тата килти хуçалăхсене тĕпчекен пайĕсен пайĕн пуçлăхĕ Эмма Егорова, Алевтина Антонова, Екатерина Петрова лекисем вуласа панă.

Район администрацийĕсен ларусен залĕнче хресчен-фермер хуçалăхĕсен ертỹçисем, колхозсен, кооперативсен тата фирмăсен тĕп бухгалтерĕсем пуçтарăннă.

Район администрацийĕн ял хуçалăх тата экологи пайĕнче хресчен-фермер хуçалăхĕсен представителĕсем, колхозсен, кооперативсен тата фирмăсен тĕп бухгалтерĕсем пуçтарăннă. Вĕсемпе ỹсен-тăран тата выльăх-чĕрлĕх отраслĕсенчи учет ĕçĕ, ял хуçалăхĕнчи ытти кăтартусене епле шута илесси çинчен калаçу пынă. Чăвашстатăн официаллă çыннисем ФМСăн миграци службин подразделенийĕн, ЗАГС пайĕн, ветслужба ĕçченĕсемпе уйрăм секци ĕçне те йĕркеленĕ. Çакнашкал тĕл пулусем кирлине тата усăллине икĕ енĕ те палăртнă.

Чăвашстат ертỹçин çумĕ Любовь Петрова "Каçал ен" хаçата панă интервьюпа çитес номерте паллашма пултаратăр.