Августăн 22-мĕшĕнче Аслă Çĕрпỹел ял поселенийĕнче профилактика совечĕн ларăвĕ иртнĕ. Унта районти пушар надзорĕн патшалăх тĕп инспекторĕ Николай Назаров, шалти ĕçсен пайĕн участковăйĕ Ильшат Сиразетдинов тата ял тăрăхĕн депутачĕсем хутшăннă. Ларăва профилактика учетĕнче тăракан 10 гражданина чĕннĕ. Виçĕ çынна çитес вăхăтра ĕç вырăнĕ тупма сĕннĕ. Çавăн пекех çул çитмен ачисене кирлĕ пек пăхман ашшĕ-амăшĕсене ачисене тĕрĕс воспитани парса ỹстерес енĕпе пысăк тимлĕх уйăрмалли, çитес вăхăтра пурăнмалли çурт-йĕр условийĕсене тĕрĕслеме ятарлă рейд ирттермелли пирки каланă.