Çак кунсенче район администрацийĕн ларусен залĕнче "Единая Россия" парти членĕсен конференцийĕ иртрĕ. Конференцие район администрацийĕн пуçлăхĕ, вырăнти политканаш секретарĕ Михаил Афанасьев ертсе пычĕ. Унта Комсомольски район пуçлăхĕ Евгений Карпеев, Чăваш Республикин Патшалăх Канашĕн социаллă политика тата наци ыйтăвĕсем енĕпе ĕçлекен комитечĕн председателĕ Петр Краснов, "Единая Россия" партин регионти тата вырăнти представителĕсем Василий Грачевпа Валерий Гаврилов тата ыттисем хутшăнчĕç.

Пухăннисене чи малтанах Валерий Гаврилов çулталăкра пурнăçланă ĕçсемпе, малашнехи тĕллевсемпе паллаштарчĕ. 2015 çулхи сентябрĕн 15-мĕшĕнчи суйлава мĕнле хатĕрленсе ирттермелли пирки те каласа хăварчĕ.

Петр Степанович Краснов "Единая Россия" партин маттур членĕсене - Евгений Иванович Карпеева, Светлана Васильевна Антоновăна, Инна Ивановна Ефремовăна - регионти уйрăмăн Тав хучĕсемпе тата парнепе чысларĕ.