Нумай хваттерлĕ çуртсенчи подъездсенче туртма юраманни "Табак туртни тата унăн тĕтĕмĕ граждансен сывлăхне сиен кỹрессинчен сыхласси çинчен" Федераци сакуннĕн 12-мĕш статйипе килĕшсе тăрать. Федераци саккунĕ палăртнă йĕркене пăссассăн, уйрăм территорисенче, çуртсенче е объектсенче туртакан граждансене РФ Административлă кодексĕн 1 пайĕн 6.24 статйипе айăплаççĕ, 500-1500 тенкĕ таран штраф параççĕ, ача-пăча площадкисенче туртакансене 2-3 пин тенкĕ таран штрафлаççĕ. Административлă протоколсене шалти ĕçсен пайĕн сотрудникĕсем çыраççĕ. Апла пулсассăн, енчен те нумай хваттерлĕ çуртсен подъезчĕсенче, картлашкасем çинче туртакансене полици ĕçченĕсен явап тыттарма ирĕк пур.