Кăçал июнь уйăхĕнче районта Республика кунĕ иртрĕ. Уявра юрри-ташши сахал мар пулчĕ. Ир пуçласа каçченех шăранчĕç илемлĕ юрăсем. Каçхине "Кĕтне кĕввисем" эстрада концертне те халăх хапăлласа йышăнчĕ. Ольга Буслаева, Дима Лукиянов, Марина Волкова, Алина Кузьмина, Иван Портнов, Елена Маштанова, Ирина Николаева, Зарина тата ыттисем те нумай юрă шăрантарчĕç. Концерт пурин кăмăлне те кайрĕ. Декабрĕн 11-мĕшĕнче районти культурăпа кану центрĕнче эстрада юрăçисем куракансене черетлĕ концертпа савăнтарĕç.

"Кĕтне кĕввисем" эстрада концертне хапăлласах кĕтетпĕр. Концерт 18 сехетре пуçланать, хакĕ - 100 тенкĕ.