Нумаях пулмасть Çĕнĕ Шупашкар хулинче Чăваш Республикинче мала тухассишĕн çăмăл атлетсен хĕллехи чемпионачĕ иртрĕ. Ăмăртăва Чăваш Енри 300 ытла спортсмен хутшăнчĕ. Вĕсен хушшинче район спортсменĕсем те пулчĕç. Асанкасси, Аслă Чурачăк вăтам шкулĕн вĕренекенĕсем старта тухрĕç. 400 метрлă дистанцире Мальвина Корсунова (Асанкасси) виççĕмĕш вырăна тухрĕ. Аслă Чурачăк хĕрĕ Настя Чернова 800 метра чупса финиша 4-мĕш çитрĕ, Снежана Школьникова (Асанкасси) 1500 метра чупса 3-мĕш вырăна тивĕçрĕ. Аслăрах çулхисенчен çак дистанцире Хырай Ĕнел каччи Артем Мартынов палăрчĕ, вăл - иккĕмĕш.