Раççейре тахçантанпах кĕтнĕ Литература çулталăкĕ пуçланчĕ. Чăвашсене ĕмĕр хыççăн ĕмĕр малашлăха урă куçпа пăхма хистекен вилĕмсĕр "Нарспи" поэма авторĕ çуралнăранпа кăçалхи çу уйăхĕн 27-мĕшĕнче 125 çул çитнĕ май Чăваш Республикин Пуçлăхĕн Указĕпе килĕшỹллĕн 2015 çула Константин Иванов çулталăкĕ теме йышăннă. Ăна тивĕçлипе ирттерме ятарлă йĕркелỹ комитечĕ çирĕплетнĕ. Комитетăн пĕрремĕш ларăвĕ иртнĕ çулхи декабрĕн 29-мĕшĕнче иртнĕ. Унта тĕрлĕ ыйтусене сỹтсе явнă.