2015 çулта республикăра çĕнĕ проектсем пурнăçа кĕрĕç. Чăваш патшалăх оперăпа балет театрĕнче "Литература тавралăхĕ" проект старт илет. "Литература тавралăхĕ" тĕнчери литература классикин шедеврĕсене сцена çине кăларĕ. Январĕн 14-мĕшĕнче куракансем Петр Чайковскин "Пиковая дама" оперипе киленнĕ. Январĕн 21-мĕшĕнче "Евгений Онегин" оперăна кăтартĕç. Январĕн 24-мĕшĕнче "Севильский цирюльник" постановкăна курса киленме май пур. Январĕн 28-мĕшĕнче Пьер Бомаршен "Безумный день, или Женитьба Фигаро" камичĕ тăрăх хатĕрленĕ "Свадьба Фигаро" сцена çине тухĕ.