Районти шашкăлла выляма кăмăллакан йышлă. Çавна шута илсе тата спортăн çак тĕсĕнче чи вăйлисене палăртас тесе иртнĕ шăмат кун райцентрти культурăпа кану центрĕнче ăмăрту йĕркеленĕ. Унта командăсем тата уйрăм çынсем хушшинче мала тухассишĕн тупăшрĕç. Вăйăсенче пĕтĕмĕшле пĕлỹ паракан тĕп шкулсен командисем хушшинче Чĕчкенсем çĕнтерỹçĕ пулчĕç. Иккĕмĕшпе виççĕмĕш вырăнсене Александровка тата Тăманлă Выçли шкулĕсен вĕренекенĕсем йышăнчĕç. Вăтам шкулсен кăтартăвĕсем вара çапларах: 1-мĕш вырăнта - Шурутсем, иккĕмĕшсем - Комсомольски 2-мĕш вăтам шкулĕ, виççĕмĕш вырăна Тукай Мишер шкулĕн команди йышăнчĕ. Арçынсем хушшинче мала тухассишĕн ирттернĕ тупăшусенче спорт мастерĕн кандидатне Н.Индюкова çитекен пулмарĕ. В.Индюков иккĕмĕш, С.Зайцев виççĕмĕш вырăна тухрĕç. Хĕрарăмсенчен вара М.Илларионова пĕрремĕш, Л.Иванова иккĕмĕш вырăнсене пайларĕç.