Информаци коммуникацийĕсен "Рейтинг" центрĕ Раççей Федерацийĕн субъекчĕсен ертỹçисен ĕç-хĕлне хаклакан черетлĕ тĕпчевне пичетленĕ. Ун тăрăх, Чăваш Ен Пуçлăхĕн тивĕçне вăхăтлăх пурнăçлакан Михаил Игнатьев - лидерсен ушкăнĕнче. Кăçалхи май уйăхĕнче тунă тĕпчевпе танлаштарсан, унăн рейтингĕ 5 пункт чухлĕ ỹснĕ.

Экспертсен шухăшĕпе, Чăваш Ен Пуçлăхĕн тивĕçне вăхăтлăх пурнăçлама çирĕплетни, праймеризра çĕнтерни тата "Единая Россия" парти унăн кандидатурине регион Пуçлăхĕн должноçне сĕнни Михаил Игнатьевăн позицийĕсене çирĕплетнĕ.

Пуçлăхсен рейтингне палăртнă чухне "Рейтинг" ЦИК регионаллă тата федераллă экспертсен шухăшне, çавăн пекех уçă çăлкуçсен материалĕсене тĕпе хурать.

ЧР влаç органĕсен официаллă порталĕнчен.