Районта пурăнакансене сывă пурнăç йĕркине пăхăнса пурăнма хăнăхтарас, спорт ăсталăхне ỹстерес тата чи пултаруллисене палăртас тĕллевпе августăн 8-мĕшĕнче, "Кĕтне" физкультурăпа спорт комплексĕнче Физкультурник кунне халалланă ăмăртусем иртĕç. Çав кунах Сывлăх кунĕ те пулать. Унта ял тăрăхĕсен, вăтам шкулсен, организацисемпе предприятисен командисем хутшăнма пултараççĕ.

Программăра: - çăмăл атлетика: 100, 400 метра чупасси, тăршшĕне сикесси (арçынсем); 100, 400 метра чупасси, тăршшĕне сикесси (хĕрарăмсем), 60, 400 метра чупасси (40 тата 60 çулсенчен пуçласа ветерансем);

- пляж волейболĕ: арçынсемпе хĕрарăмсен командисем;

- мини-футбол: организацисемпе ял тăрăхĕсен командисем (8 çын);

- винтовкăран пересси: руководительсемпе ял тăрăхĕсен пуçлăхĕсем;

- чушкăлла вылясси (городки);

- "Ветераны" тата "Молодежь" командăсем футболла вылĕç.

Çĕнтерỹçĕсемпе призерсене Хисеп грамотисем тата медальсем кĕтеççĕ.

Врач тата команда тăратакан ертỹçĕ çирĕплетнĕ заявкăсене ăмăртăва килнĕ чухне илсе пымалла.

ЙĔРКЕЛỸ КОМИТЕЧĔ