Профориентатор-волонтерсен "Твой выбор профессии" республикăри акцийĕ пынă май октябрĕн 21-мĕшĕнче Тукай Мишер вăтам шкулĕнче 9 "б" класра вĕренекен Гузель Зарипова тата Лейсан Гайнетдинова "Профессие тĕрĕс суйлар" тренинг ирттернĕ.

Çамрăк пикесем вĕренекенсене специальноç суйланă чухне кирлĕ пулма пултаракан сĕнỹсем панă, ĕç рынокĕнчи профессисемпе паллаштарнă. "Кем я стану через 10 лет?", "На какой ступени я нахожусь", "Угадай профессию" тренингсем ирттернĕ. Çавăнпа пĕрлех волонтерсем тест сĕннĕ. Тренинга хутшăнакансем темиçе ыйту çине хуравласа хăш специальноç вĕсене çывăхрах иккенне пĕлме пултарнă.

- Профессие суйланă чухне йĕри-таврари çынсен - учительсен, аçу-аннĕрĕн, аслă тус-юлташăрсен - сĕнỹ-канашне итлеме тăрăшăр. Анчах та суйлав хăвăрăнах тумаллине те манмалла мар, - тенĕ хĕрсем тренинг вĕçĕнче.