Литература çулталăкне, Çĕнĕ çула тата Раштав уявĕсене халалласа районти "Çĕр тата çынсем" халăх музейĕ "Хĕллехи фантази" конкурс ирттерет.

Асăннă конкурса тăратнă ĕçсене çак номинацисемпе хаклаççĕ: -

ỹнер искусстви (хĕллехи тавралăх, хĕллехи юмах теми, А3 тата А4 форматпа Çĕнĕ çул, раштав сюжечĕ);

- хĕлпе çыхăнтарса усă курса ăсталанă тĕрлĕ япаласем тăвасси;

- альтернативлă чăрăш (чи оригиналлă альтернативлă чăрăш, наци йăлисемпе усă курса ăсталанă чи лайăх чăрăш, чи лайăх реклама чăрăшĕ).

Ĕçе 50-300 сантиметр калăпăшпа хатĕрлеме пулать, кашни ĕç çине авторăн ятне, организаципе ертỹçине палăртмалла.

Конкурса пĕр çынах темиçе номинаципе хутшăнма пултарать.

Ĕçсене 2015 çулхи декабрĕн 10-мĕшĕччен районти "Çĕр тата çынсем" музее илсе çитермелле. Чи лайăх ĕçсен авторĕсене дипломсемпе, грамотăсемпе тата сертификатсемпе чыслĕç.

А.ПОЛЯКОВА