Нумаях пулмасть Хирти Явăшри Ю.Гаврилов хуçалă-хĕнчи ĕне уртаракан чире пула вилнĕ. Чăваш Республикин Пуçлăхĕ М.Игнатьев асăннă хуçалăхра карантин пулнă пирки 2015 çулхи ноябрĕн 23-мĕшĕнче 546-рг №-лĕ хушу кăларнă. Унпа килĕшỹллĕн район территорийĕнче уртаракан чиртен сыхланас тата ăна сарăлма парас мар тесе район администрацийĕн пуçлăхĕ постановлени кăларнă.

Çавна май ял тăрăхĕсен пуçлăхĕсене ялсенчи пур йытăсене те шута илме тата вĕсене пăхассине тимлеме сĕннĕ. Çавăн пекех çынсен килти кушак, йытă хăйне епле тытнине сăнасах тăмалла. Иккĕленỹ пулсассăн тỹрех районти ветеринари службине пĕлтермелле. Çынсем пурăнакан вырăнта хуçасăр тата ирĕкре çỹрекен йытăсене асăрхамалла.

Районти ял хуçалăх предприятийĕсен ертỹçисен, уйрăм хуçалăхсен хуçисене фермăсемпе витесене тилĕсемпе ирĕкре çỹрекен йытăсем пырса кĕресрен сыхланма ятарлă мерăсем йышăнмалла.

Чăваш Республикинчи Патшалăх сунар службин районсем хушшинчи инспекторне А.Шуряшкина ял, ферма, уйрăм хуçалăхсен çывăхĕнче çỹрекен тилĕсемпе йытăсене пеме ирĕк памалла. Уртаракан чиртен вакцинăланă йытăсене çеç сунара ямалла. Тилĕ тытма çỹрекенсен тимлĕ пулмалла, тытнă чĕрчунсен тирĕсене ветеринари участокĕнче тĕрĕслеттермелле.

Районти выльăх-чĕрлĕх чирĕсемпе кĕрешекен станци начальникĕн ĕçĕсене пурнăçлакан Э.Ильязова районти лару-тăрăва тĕрĕслесе тăма хушнă. Çавна май йытăсене уртаракан чиртен вакцинацилемелле.

Ял çыннисен те уртаракан чиртен сыхланмалла, тимлĕхе çухатмалла мар.