РФ Вĕренỹ министерствин пĕтĕмĕшле вĕрентĕвĕн патшалăх политикин департаменчĕ пĕлтернĕ тăрăх, çĕршыври вĕренỹ учрежденийĕсенче майăн 21-31-мĕшĕсенче Пĕрлехи урок ирттерме палăртнă. Пĕрлехи урок теми - "Çемье тата Тăван çĕршыв - манăн пурнăçра". Ăна Пĕтĕм тĕнчери çемье кунне те халаллаççĕ.

Усă курма кирлĕ методкăларăмсене яваплисем хатĕрленĕ. Урока чи лайăх йĕркелесе ирттернĕ вĕрентекенсене хавхалантарма шантараççĕ.