Июлĕн 4-мĕшĕ тĕлне районти хуçалăхсенче 4590 гектар (83 процент) çинчи нумай çул ỹсекен курăксене çулнă, 9035 тонна (129 процент) утă хатĕрленĕ. Хăш-пĕр хуçалăхсен тăрăшулăхне уйрăммăн палăртса хăварас килет. Акă, тĕслĕхрен, "Труд" ЯХПК кăтартăвĕсем аван. Унта 970 тонна утă хатĕр. "Слава" ЯХПКра - 704 тонна, "Асаново" хуçалăхра - 700 тонна, "Искра" колхозра, "Дружба" ЯХПКра, Хайртдиновăн, Атласкинăн фермер хуçалăхĕсенче 500-шер тонна утă хатĕрленĕ. Район утă хатĕрлессипе республикăра 1-мĕш вырăнта пынине асăнса хăварма та кăмăллă.

Çавăнпа пĕрлех районти хуçалăхсенче сенаж хывас ĕç те малалла пырать. Хальлĕхе пурĕ 10700 тонна сенаж янтăланă: çав шутра "Урожай колхозра - 2650 тонна, "Восток" ЯХПКра - 1300 тонна, "Рассвет" ЯХПКра - 1020 тонна.

Икĕ хуçалăхра пĕр çул ỹсекен курăксене çулма пикеннĕ, "Славăра" - 20 гектар, "Восход" агрофирмăра 24 гектар çулнă та.

Хуçалăхсен ертỹçисене тепĕр хут аса илтеретпĕр. Çанталăк уяр тăнă чухне пĕтĕм вăя выльăх апачĕ янтăласси çине ямалла. Выльăх апачĕ çителĕклĕ пултăр.

И.МИННЕТУЛЛИН