Вăрманта, хитре вырăнсенче канма чăннипех кăмăллă. Анчах та тепĕр чухне тăван тавралăха вараланине куратăн та чунăм пусăрăнать. Вăрманта, çырма-çатрасенче, çул айккисенче çỹп-çап, ăпăр-тапăр куписем сахал мар выртаççĕ. Вĕсене кану хыççăн çеç пăрахса хăвармаççĕ. Чылайăшĕ кил-хуçалăхри кирлĕ мара пуçтарса вăрмана килсе пăрахма вăй çитерет. Вĕсен чĕри тăван тавралăхшăн ыратмасть те-ши? Эпир, çынсем, тавралăха упрас тесе тăрăшмасассăн, ăна кунсерен вараласассăн мĕн патне килсе тухăпăр-ши? Вăрмана е çыран хĕррине кайса каннă хыççăн кашниех хăй хыççăн юлакан япаласене пуçтарса çунтарсассăн епле аван пулмалла. Çакăн пирки тĕплĕнрех шутласа пăхасчĕ. Хамăр пурăнакан вырăн яланах таса та хăтлă пултăр.

А.ЕФРЕМОВА