Социаллă роликсен Пĕтĕм Раççейри "Новый взгляд. Прокуратура против коррупции" VII конкурсне ĕçсем йышăнма тытăннă. Асăннă конкурса кашни çулах регионсем хушшинчи "Мир молодежи" обществăлла фонд йĕркелет.

"Новый взгляд" - социаллă реклама сферинчи çамрăксен чи пысăк проекчĕ. Çавна май унта хутшăнакансен обществăри ку е ытти проблемăсене çутатмалла, вĕсене епле татса памаллине каласа памалла. Пултарулăх конкурсне хутшăнакансен "Прокуратура против коррупции" темăпа видеороликсем тата плакатсем хатĕрлемелле.

Ĕçсене сентябрĕн 29-мĕшĕччен www.tvoykonkurs.ru сайта ярса памалла. Вĕсене икĕ номинаципе хатĕрлемелле: "Социальный плакат", "Социальный видеоролик". Конкурса 14-30 çулсенчи çамрăксем хутшăнма пултараççĕ.