Сентябрĕн 20-мĕшĕнче Чăваш Енре, çав шутра пирĕн районта та, Пĕрлехи информаци кунĕ пулать. Унăн темисем: - Чăваш Республикинчи районсенче вырма тата ытти ял хуçалăх ĕçĕсем мĕнле пыни, ял хуçалăх ярмăрккисем йĕркелени çинчен;

- пурăнмалли çурт-йĕрпе коммуналлă хуçалăх объекчĕсене 2017- 2018 çулсенче хутса ăшăтмалли тапхăра хатĕрленни пирки; - Чăваш Республикинче хăтлă хула хутлăхĕсене йĕркелессине пурнăçласси тата Чăваш Енре пурăнакансене тирпей-илем ĕçĕсене, пуçаруллă бюджета аталантарассине хутшăнтарасси. Информушкăнсем ялсене çитсе çынсемпе, предприятисемпе организацисенчи ĕç коллективĕсемпе тĕлпулусем ирттерĕç, ыйтусем çине хуравлĕç. Çавăн пекех граждансене харпăр хăй ыйтăвĕпе йышăнĕç.