Чăваш Енре иртнĕ эрнере коронавирус чирĕ çаклатнисен шучĕ тăруках ÿснĕ. Вĕсен йышĕ ÿсни çынсем маска тăхăнманнипе тата дистанцие пăхăнманнипе çыхăннă. Çавăнпа та районта пурăнакансене чиртен асăрханса санитарипе-гигиена правилисене пăхăнма ыйтатпăр. Темшĕн çак йĕркене пурте пăхăнасшăн мар. Мобильлĕ ушкăнсем рейдсене тухса мĕн чухлĕ çынна асăрхаттараççĕ, тĕрĕслеççĕ. Апла пулин те йĕркене пăсакансем çав-çавах пур-ха. Лăпланма иртерех. Коронавирус чирĕ иртсе кайман. Чирлекенсен йышĕ те ÿсет, вилекенсем те пур. Республикипе илес пулсассăн 5886 çын чирлĕ, 46 çын вилнĕ, районта 177 çын коронавирус ертнĕ.